Սա ճիշտ դեղամիջոց է․ Ուիթքոֆը՝ Իրանի դեմ հնարավոր պատժամիջոցների սահմանման մասին

ԱՄՆ-ի նախագահի հատուկ բանագնաց Սթիվ Ուիթքոֆը հայտարարել է, որ Վաշինգտոնը շարունակում է երկխոսությունը Իրանի հետ՝ Թեհրանի դեմ պատժամիջոցների ռեժիմի հնարավոր վերսկսման պայմաններում։

«Մենք բանակցություններ ենք վարում Իրանի հետ։ Մենք խոսում ենք բոլորի հետ, ինչպես և պետք է լինի։ Այսպիսին է մեր աշխատանքը՝ խնդիրները լուծել դիվանագիտական ճանապարհով»,- ասել է Սթիվ Ուիթքոֆը։

Ուիթքոֆը հավելել է, որ ԱՄՆ-ն կցանկանար մշտական ​​լուծում գտնել և համաձայնության գալ պատժամիջոցների վերականգնման հարցի շուրջ, իսկ եթե չկարողանան, ապա պատժամիջոցները կմնան այնպիսին, ինչպիսին պետք է լինեն։

«Սա ճիշտ դեղամիջոց է այն բանի դեմ, ինչ տեղի է ունենում», - ընդգծել է հատուկ բանագնացը։

Ուիթքոֆը նշել է, որ ԱՄՆ-ն չի ցանկանում վնաս պատճառել իրանցիներին, սակայն Իրանը դժվարին վիճակում է, քանի որ «եվրաեռյակը» (Մեծ Բրիտանիա, Ֆրանսիա և Գերմանիա) նախաձեռնել է պատժամիջոցների վերսկսման մեխանիզմի գործարկումը՝ Իրանի միջուկային խնդրի շուրջ 2015 թվականի Գործողությունների համատեղ համապարփակ ծրագրին համապատասխան։