Վաշինգտոնում ավելի քան 10 տարի անց կրկին բարձրացվել է Սիրիայի դրոշը
Սիրիայի Արաբական Հանրապետության դրոշը բարձրացվել է Վաշինգտոնում գտնվող Սիրիայի դեսպանատան վրա՝ երկար տարիներ անց առաջին անգամ։
Արարողությանը մասնակցել է Սիրիայի արտաքին գործերի նախարար Ասադ Հասան ալ-Շեյբանին, ով անձամբ բարձրացրել է Սիրիայի դրոշը դեսպանատան շենքի վրա, որը փակ էր 2014 թվականի մարտի 18-ին։
Սիրիական SANA լրատվական գործակալության հաղորդմամբ՝ Շեյբանին իրադարձությունն անվանել է «պատմական պահ» և ընդգծել, որ դրոշի բարձրացումը «Սիրիայի օրինականության և միջազգային ասպարեզում նրա դիվանագիտական ներկայության հաստատում է»։
