Կատարում հարվածները չի փոխի մեր հարաբերությունների բնույթը Իսրայելի հետ. Ռուբիո
ԱՄՆ պետքարտուղար Մարկո Ռուբիոն մեկնում է Իսրայել, որտեղ նա այսօր մի շարք հանդիպումներ կունենա Իսրայելի ղեկավարների հետ։ Սա նրա երկրորդ այցն է ԱՄՆ դիվանագիտության ղեկավարի պաշտոնը ստանձնելուց ի վեր։
Մեկնելուց առաջ Մարկո Ռուբիոն ասել է, որ Կատարում հարվածի շուրջ անհամաձայնությունները չեն փոխի երկկողմ հարաբերությունները, և ԱՄՆ-ն կշարունակի աջակցել Իսրայելին։
«Դա չի փոխի մեր հարաբերությունների բնույթը Իսրայելի հետ, բայց մենք կխոսենք այն մասին, թե ինչ հետևանքներ կունենա Կատարում հարվածը», - բացատրել է պետքարտուղարը։
«Իմ ուշադրության կենտրոնում կլինեն պատանդների վերադարձն ապահովելը, խաղաղ բնակիչներին մարդասիրական օգնություն հասցնելու ուղիներ գտնելը և Համասի կողմից ներկայացվող սպառնալիքի հաղթահարումը: Համասը չի կարող շարունակել գոյությունը, եթե նպատակը տարածաշրջանում խաղաղությունն է»,- ասել է Ռուբիոն:
Հիշեցնենք` Իսրայելի վարչապետ Բենյամին Նեթանյահուն «ամոթալի» է անվանել Կատարին հարվածելուց հետո բազմաթիվ երկրների քննադատությունը Իսրայելի հասցեին:
