Իսրայելը մտադիր է հարվածել Եգիպտոսին

Եգիպտոսի բարձրաստիճան պաշտոնյաները հայտարարել են, որ բացահայտել են Կահիրեում ՀԱՄԱՍ-ի առաջնորդների դեմ մահափորձի Իսրայելի ծրագրերը: Այս մասին հայտնում է Middle East Eye պարբերականը:

Գործակալության աղբյուրի փոխանցմամբ՝ վերջին երկու տարում Եգիպտոսի իշխանություններին մի քանի անգամ հաջողվել է կանխել ՀԱՄԱՍ-ի ներկայացուցիչների դեմ մահափորձերը Կահիրեում զինադադարի շուրջ բանակցությունների ժամանակ:

«Եգիպտոսի տարածքում ՀԱՄԱՍ-ի առաջնորդների դեմ ցանկացած մահափորձ պաշտոնական Կահիրեի կողմից կդիտարկվի որպես պետական ինքնիշխանության խախտում և Իսրայելի կողմից պատերազմի հայտարարում։ Մենք ձեռնպահ չենք մնա պատասխան գործողություններից», - հայտարարել է եգիպտացի բարձրաստիճան պաշտոնյան։

Եգիպտոսի իշխանությունների կողմից, այս հարցի վերաբերյալ դեռևս պաշտոնական հայտարարություն չկա: