Թրամփը՝ դժգոհ է Ուկրաինայում ստեղծված իրավիճակից և Ռուսաստանի գործողություններից

ԱՄՆ նախագահ Դոնալդ Թրամփը հայտարարել է, որ «դժգոհ» է Ուկրաինայում ստեղծված իրավիճակից՝ մեկնաբանելով Ռուսաստանի զինված ուժերի կողմից վերջերս հասցված հարվածների մասին, գրում է «Ռիա Նովոստի»-ն:

«Ես գոհ չեմ այս ստեղծված իրավիճակից», - լրագրողներին ասել է Դոնալդ Թրամփը։

Այնուամենայնիվ, ամերիկացի առաջնորդը կարծում է, որ Ուկրաինայում հակամարտությունը «կկարգավորվի»։ Միևնույն ժամանակ, նա խուսափել է պատասխանել այն հարցին, թե որն է Ուկրաինայում խաղաղության հիմնական խոչընդոտը։

Հավելենք՝ Ուկրաինային հասված հարվածների հետ կապված, Ռուսաստանի պաշտպանության նախարարությունը նախկինում բազմիցս բացատրել է, որ ռուսական ռազմական ուժերը չեն հարվածում քաղաքացիական թիրախներին, հարվածները հասցվում են բացառապես ռազմական ենթակառուցվածքների օբյեկտներին, այն վայրերին, որտեղ հավաքվում են զինվորական անձնակազմը և ռազմական ղեկավարության ներկայացուցիչները։