Այսուհետ՝ վարժական հավաքներից խուսափողներն ավելի խիստ կպատժվեն
Վարժական հավաքներից խուսափելն ավելի խիստ կպատժվի, իսկ Ռազմական ոստիկանության լիազորությունները կընդլայնվեն: Խորհրդարանն առաջին ընթերցմամբ քննարկել է օրենսդրական նոր փաթեթ։
Ըստ օրենսդրական նոր փաթեթի՝ հստակ սահմանվում է, թե ինչն է համարվում խուսափում (զինկոմիսարիատ չգնալը, բուժզննումից հրաժարվելը և այլն)։
Ավելի խիստ պատիժ (2-5 տարվա ազատազրկում) է սահմանվում ինքնավնասման, հիվանդություն ձևացնելու կամ փաստաթուղթ կեղծելու միջոցով խուսափելու համար։ Իսկ Քրեական պատասխանատվությունից կազատվեն նրանք, ովքեր կամավոր կներկայանան հավաքին։
Նշենք, որ Ռազմական ոստիկանություննն իր լիազորությունների սահմանում կզբաղվի ոչ միայն հանցագործությունների կանխմամբ, այլև դրանց հայտնաբերմամբ ու բացահայտմամբ։ Կաջակցի զինկոմիսարիատներին զորակոչի և վարժական հավաքների կազմակերպման հարցում։
Հավելենք՝ նախագիծն արդեն անցել է ԱԺ առաջին ընթերցումը և ստացել է խորհրդարանական հանձնաժողովի հավանությունը։
Հիշեցնենք՝ ավելի վաղ հայտնել էինք, որ խստացվում է վարժական հավաքներից խուսափելու համար պատասխանատվության չափը:
