Վերին Լարսի անցակետի հերթում մոտ 600 բեռնատար կա
Վերին Լարսի անցակետով անցնելու համար ավելի քան 600 հայկական բեռնատար է հերթագրվել, այս մասին փոխանցում է «Sputnik Արմենիա»-ն։
Ըստ վերջին տվյալների` անցակետը հատելու համար 1907 տրանսպորտային միջոց է հերթագրված, որոնցից 647-ը հայկական են։
Հավելենք՝ խցանումների պատճառը Ռուսաստանից դեպի Վրաստան և Հայաստան զբոսաշրջային նպատակներով մեկնող քաղաքացիների մեծ հոսքն է։
