Պեսկովը՝ ռուսական շուկան լքած ընկերությունների վերադարձի մասին

Ռուսաստանը հետաքրքրված է արևմտյան ընկերությունների վերադարձով, քանի որ ցանկացած տնտեսություն կարիք ունի նոր տեխնոլոգիաների, կարողությունների, ներդրումների: Այս մասին «ՏԱՍՍ»-ին ասել է Ռուսաստանի նախագահի մամուլի քարտուղար Դմիտրի Պեսկովը։

«Կարծում եմ՝ սխալ կլինի ասել, որ մենք հետաքրքրված չենք այդ ընկերությունների վերադարձով։ Աշխարհի ցանկացած տնտեսություն հետաքրքրված է օտարերկրյա ներդրումներով, հետաքրքրված է նոր տեխնոլոգիաներով և երկիր մտնող նոր կարողություններով։

Սա շատ կարևոր է», - նշել է նա՝ խոսելով ռուսական շուկան լքած ընկերությունների վերադարձի հեռանկարների մասին։