Պակիստանը զգուշացնում է Հնդկաստանին՝ հաջորդ պատերազմում հաշիվը կլինի 60-0
Հնդկաստանի հետ հաջորդ պատերազմում հաշիվը կլինի 60-0։ Այս մասին հայտարարել է Պակիստանի բանակի ռազմաօդային ուժերի փոխմարշալ Շահրիյար Խանը։
«Կարող եք վստահ լինել, որ Պակիստանի օդային տարածքի պաշտպանությունը գտնվում է Պակիստանի ռազմաօդային ուժերի ամուր ձեռքերում։
Տեխնոլոգիական նորարարությունների շնորհիվ Ռազմաօդային ուժերը ճանաչում են ձեռք բերել ամբողջ աշխարհում։ Հաջորդ անգամ հաշիվը 6-0 չի լինի, բայց Աստծո օգնությամբ՝ 60-0 կլինի» ,- ընդգծել է փոխմարշալը։
Նշենք, որ այսօր Պակիստանում նշվում է պաշտպանության և նահատակների օր։
