Խոշոր հրդեհ՝ «Հայֆիլմ» կինոստուդիայի տարածքում․ 6 տրանսպորտային միջոց մոխրի են վերածվել
Այսօր՝ սեպտեմբերի 6-ին, խոշոր հրդեհ է տեղի ունեցել Երևանում։ Ժամը 13։50-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Աշտարակի խճուղում, «Հայֆիլմ» կինոստուդիայի վարչական տարածքում այրվում է խոտածածկ տարածք և ավտոմեքենաներ։
Ինչպես դեպքի վայրից հայտնում է Shamshya.com-ը, ժամանել են ՀՀ ՆԳՆ Փրկարար ծառայության Երևան քաղաքի փրկարարական վարչության հրշեջ փրկարարական ջոկատներից՝ 2 մարտական հաշվարկ։ Մինչ հրշեջների ժամանումը կրակի տարծման դեմ պայքարել են «Հայֆիլմ»-ի աշխատակիցները, ապա ժամանած հրշեջները մարել են այն։
Ամբողջությամբ մոխրի է վերծավել 6 տրանսպորտային միջոց, որից 4-ը ավտոբուսներ։ Հրդեհը այս պահին մեկուսացվել է, սակայն տեղում հրշեջները հերթապահություն են իրականացնում։
Ըստ նախնական տեղեկությունների բարեբախտաբար տուժածներ չկան։ Դեպքի վայր են ժամանել նաև Երևանի 1-03 շտապօգնության բժիշկների 2 հերթապահ խումբ։
Հիշեցնենք՝ ավելի վաղ հայտնել էինք, որ Աշտարակի խճուղում ավտոմեքենաներ են այրվել:
