Պուտինը հայտարարել է՝ Զելենսկու հետ հանդիպման լավագույն վայրը

Ռուսաստանի նախագահ Վլադիմիր Պուտինը Մոսկվան անվանել է Վլադիմիր Զելենսկու հետ հնարավոր հանդիպման լավագույն վայրը: Այս մասին գրում է «ՏԱՍՍ»-ը։

«Հաջորդ անգամ, եթե ինչ-որ մեկը իսկապես ցանկանում է հանդիպել մեզ հետ, մենք պատրաստ ենք։ Դրա համար լավագույն վայրը Ռուսաստանի Դաշնության մայրաքաղաքն է՝ հերոս քաղաք Մոսկվան», - ասել է նախագահը Արևելյան տնտեսական ֆորումի (ԱՏՖ) լիագումար նիստում։

Միևնույն ժամանակ, նա ընդգծել է, որ Ռուսաստանը պատրաստ է անվտանգության երաշխիքներ տրամադրել Զելենսկիին և Կիևի ներկայացուցիչներին, եթե նրանք որոշեն գալ Ռուսաստանի մայրաքաղաք։

Ավելի վաղ, Չինաստան կատարած այցից հետո տեղի ունեցած մամուլի ասուլիսում Պուտինը հայտարարել էր, որ պատրաստ է Զելենսկուն հրավիրել Մոսկվա, եթե պատրաստ լինի հանդիպմանը։ Սակայն, Ֆրանսիայի նախագահ Էմանուել Մակրոնի հետ մամուլի ասուլիսում Զելենսկին մերժել է Ռուսաստանի նախագահի առաջարկը։