Բաքուն՝ ռուս-ադրբեջանական հարաբերությունների վատթարացման պատճառների մասին

Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան նախ պետք է իր կարծիքը հայտնի խնդիրների լուծման ուղղությամբ տարվող աշխատանքների վերաբերյալ։ Այս մասին  հայտարարել է  Ադրբեջանի Միլլի Մեջլիսի պատգամավոր Ազեր Բադամովը։

Պատգամավորը նշել է, որ «Ադրբեջանի կողմից ձերբակալված 13 Ռուսաստանի քաղաքացիների ազատ արձակումը կարող է կարևոր քայլ լինել հարաբերությունների բարելավման ուղղությամբ» նման հայտարարություն անելու փոխարեն, Մարիա Զախարովան պետք է վերադառնա երկու երկրների միջև լարվածության հանգեցրած իրադարձությունների նախորդ կետին և արտահայտի իր վերաբերմունքը խնդիրները վերացնելու ուղղությամբ կատարված աշխատանքների նկատմամբ.

«Այստեղ կարող ենք նշել AZAL ինքնաթիռի խոցման, Եկատերինբուրգի իրադարձությունների, ադրբեջանցիների դեմ չհայտարարված պատերազմի և այլ հարցերի հետ կապված հետևելիք ընթացակարգերը: Ռուսական կողմը իրականում պայման է առաջադրում, բայց մենք պետք է նայենք խնդրի արմատին: Ռուսաստանում շարունակվում են ադրբեջանցիների նկատմամբ բռնաճնշումներն ու տեղահանությունները, նրանց բիզնեսի բռնագրավումը: Վերոնշյալ ոլորտներում հիմնական դերը խաղում են Ռուսաստանի Արտաքին գործերի նախարարությունը, Դաշնային անվտանգության ծառայությունը և Քննչական կոմիտեն։

Այնուամենայնիվ, երկկողմ հարաբերությունները պետք է հիմնված լինեն երկրների ինքնիշխանության վրա և պետք է շարունակվեն փոխադարձ հարգանքի և օգուտի հիման վրա։ Ադրբեջանը չի ընդունում ճնշման քաղաքականությունը։ Ադրբեջանի և Ռուսաստանի միջև երկկողմ հարաբերությունները վերջին մեկ տարվա ընթացքում զարգացել են բարձր մակարդակով։ Նույնիսկ 2022 թվականի փետրվարի 22-ին երկու երկրները ստորագրել են «Ադրբեջանի Հանրապետության և Ռուսաստանի Դաշնության միջև դաշնակցային փոխադարձ գործունեության մասին հռչակագիր»։ Սակայն Ռուսաստանի կողմնակալ և անարդար վերաբերմունքը Ադրբեջանի նկատմամբ ճաքեր է առաջացրել երկու երկրների միջև հարաբերություններում»,- ասել է նա:

Պատգամավորը ընդգծել է՝ քաղաքական ճնշումը, նախապաշարմունքները և ատելությունը հարաբերությունները նորմալ վիճակի վերադարձնելու ելք չեն։ Ելքը դիվանագիտության, բարձր մակարդակի պաշտոնական բանակցությունների և խնդիրների լուծման համար համաձայնությունների հասնելու մեջ է։