Պուտինը ցույց է տալիս իր անպատժելիությունը․ Զելենսկի
Պուտինը ցույց է տալիս իր անպատժելիությունը։ Այս մասին հայտարարել է Ուկրաինայի նախագահ Վլադիմիր Զելենսկին մեկնաբանելով՝ Ուկրաինային հասցված գիշերային հարվածները։
Ուկրաինայի առաջնորդը նշել է, որ Ռուսաստանը 500-ից ավելի ԱԹՍ-ներով զանգվածային հարձակում է իրականացրել Ուկրաինայի մի քանի շրջանի վրա: Հիմնական թիրախները, նախագահի խոսքով, դարձել են էներգաօբյեկտները և այլ քաղաքացիական ենթակառուցվածքները, ինչպես նաև տրանսպորտային հանգույցը:
«Ակնհայտ է, որ դրանք ռուսական ցուցադրական հարվածներ են։ Պուտինը ցույց է տալիս իր անպատժելիությունը։ Հենց ճնշման ուժեղ միջոցների անհրաժեշտության մասին ենք խոսելու գործընկերների հետ այս օրերին»,- նշել է Ուկրաինայի նախագահը։
Հիշեցնենք՝ ավելի վաղ հայտնել էինք, որ Ռուսաստանը զանգվածային հարձակում է իրականացրել Ուկրաինայի մի քանի շրջանների վրա։
