Մինսկի խումբն այսօրվանից լուծարված է. Հայաստանի ԱԳՆ
Մինսկի խումբն այսօրվանից լուծարված է: Այս մասին ասվում է ՀՀ արտաքին գործերի նախարարության կողմից տարածած հաղորդագրության մեջ։
«Արտաքին գործերի նախարարության փոխանցմամբ այսօր՝ սեպտեմբերի 1-ին ստացվել է ԵԱՀԿ գործող նախագահող, Ֆինլանդիայի ԱԳ նախարարի նամակը, որով հաստատվում է, որ ԵԱՀԿ Մինսկի խմբի գործընթացի և առնչվող կառույցների լուծարման վերաբերյալ որոշման համար սահմանված լռելյայն ընթացակարգը ԵԱՀԿ անդամ պետությունների կողմից չի խախտվել, և որոշումը սեպտեմբերի 1-ից համարվում է ընդունված»,- ասվում է հայտարարության մեջ:
Հիշեցնենք՝ ավելի վաղ հայտնել էինք, որ ԵԱՀԿ նախարարների խորհուրդը որոշում է ընդունել լուծարել ԵԱՀԿ Մինսկի խումբը և դրան առնչվող կառույցները։ Անվավեր են ճանաչվել ԵԱՀԿ շրջանակներում հայ-ադրբեջանական հակամարտության վերաբերյալ նախկինում ընդունված բոլոր որոշումները։
