ԼՂ-ում էլեկտրամատակարարումն ամբողջությամբ վերականգնված է. ՌԴ պաշտպանության նախարարություն
Լեռնային Ղարաբաղում էլեկտրամատակարարման համակարգը, որի կարգավորմանը շրջանում մարտական գործողություններից հետո օգնել են ռուս խաղաղապահները, ամբողջությամբ վերականգնված է, հայտնում են ՌԴ պաշտպանության նախարարությունից:
«Խաղաղապահների օգնությամբ էլեկտրամատակարարման համակարգն ամբողջությամբ վերականգնվել է: Այս նպատակով կատարվել են 18 կմ էլեկտրահաղորդման գծերի եւ 50 հենասյուների վերանորոգման աշխատանքներ: Վերսկսվել է ավելի քան 12 հազար ընդհանուր թվաքանակով բնակչություն ունեցող 24 բնակավայրերին էլեկտրաէներգիայի անխափան մատակարարումը»,- նշված է հաղորդագրության մեջ:
Դրանից բացի, խաղաղապահները սննդամթերքով եւ առաջին անհրաժեշտության իրերով հումանիտար փաթեթներ են տարել Ասկերանի շրջանի Խնապատ գյուղի մի քանի հարյուր ընտանիքների:
