Վենսը հայտարարել է, որ պատրաստ է փոխարինել Թրամփին
ԱՄՆ փոխնախագահ Ջ.Դ. Վենսը պատրաստակամություն է հայտնել ստանձնել երկրի նախագահի պաշտոնը, եթե 79-ամյա ամերիկացի առաջնորդ Դոնալդ Թրամփի հետ ինչ-որ բան պատահի։
«Վերջին 200 օրվա ընթացքում ես շատ լավ գործնական մարզումներ եմ անցել... եթե, Աստված մի արասցե, սարսափելի ողբերգություն տեղի ունենա, չեմ կարող պատկերացնել ավելի լավ գործնական հմտությունների մարզում, քան այն, ինչ ստացել եմ», - ասել է Վենսը USA Today-ին տված հարցազրույցում՝ պատասխանելով այն հարցին, թե արդյոք նա պատրաստ է ստանձնել գերագույն հրամանատարի դերը և ինչու ամերիկացիները պետք է վստահեն նրան երկիրը ղեկավարելու հարցում։
Վենսի խոսքով՝ փոխնախագահի պաշտոնը նրան տվել է անհրաժեշտ հմտություններն ու գիտելիքները՝ պետության ղեկավարի պարտականությունները հնարավոր կատարելու համար։ Միևնույն ժամանակ, նա ընդգծել է, որ նախագահ Թրամփը լավ առողջական վիճակում է և ակնկալում է, որ նա կծառայի մինչև իր ողջ ժամկետի ավարտը։
