ՏԵՍԱՆՅՈՒԹ. Կիմ Չեն Ինը գնացքով ժամանել է ՌԴ. կադրեր են հրապարակվել
Հյուսիսային Կորեայի առաջնորդ Կիմ Չեն Ինը պաշտոնական այցով ժամանել է Ռուսաստան, Telegram-ի ալիքում հայտնել է բնական պաշարների նախարարության ղեկավար և ԿԺԴՀ-ի հետ առևտրի, տնտեսական, գիտական և տեխնիկական համագործակցության միջկառավարական հանձնաժողովի նախագահ Ալեքսանդր Կոզլովը։ Հայտնում է Ria.ru-ն:
Կոզլովի խոսքով՝ հանդիպումը տեղի է ունեցել Պրիմորսկի երկրամասում՝ ԿԺԴՀ-ի հետ սահմանին, Թումաննայա գետի վրայով անցնող կամրջի վրա։
ՌԴ Նախագահի մամուլի քարտուղար Դմիտրի Պեսկովի խոսքով, նախատեսվում է առաջնորդների անհատական շփում, բանակցություններ երկու պատվիրակությունների միջև, որոնց կմասնակցի պաշտպանության նախարար Սերգեյ Շոյգուն:
Հյուսիսային Կորեայի առաջնորդը Վլադիվոստոկ էր եկել 2019 թվականի ապրիլին։ Այդ այցը նրա առաջին այցն էր Ռուսաստան՝ 2011 թվականին պաշտոնը ստանձնելուց հետո։
