ԱՄՆ-ը շուտով հանդես կգա Ուկրաինայի անվտանգության երաշխիքների իր ծրագրով
Միացյալ Նահանգները շուտով կներկայացնի Ուկրաինայի անվտանգության երաշխիքների իր ծրագիրը, գրում է բրիտանական Financial Times թերթը՝ հղում անելով աղբյուրներին։
«Սպիտակ տան պաշտոնյաները հայտնում են, որ անվտանգության երաշխիքների մոտավոր ուրվագիծը կարող է ներկայացվել շուտով», – ասվում է զեկույցում։ Միաժամանակ, հրատարակությունը նշում է, որ դեռ շատ բան կա համաձայնեցնելու, այդ թվում՝ Ուկրաինայում օտարերկրյա զորակազմ տեղակայելու համար Ռուսաստանից համաձայնություն ստանալու անհրաժեշտության վերաբերյալ։
«Խաղաղության համաձայնագիր դեռևս ձեռք չի բերվել, և անվտանգության երաշխիքների իրականացման վերաբերյալ որոշումը դեռ շատ հեռու է»,-հաղորդում է թերթը։
Այնուամենայնիվ, ԵՄ պաշտոնյաները լավատեսորեն են տրամադրված, որ գլխավոր խոչընդոտը՝ ԱՄՆ նախագահ Դոնալդ Թրամփի կողմից օգնություն տրամադրելու դժկամությունը, հաղթահարված է, գրում է թերթը։
