«Մենք Amazon-ը չենք»․ ՄԹ-ի պաշտպանության պետքարտուղարը՝ Ուկրաինայի ղեկավարությանը
Արևմտյան երկրները կցանկանային երախտագիտության խոսքեր լսել Ուկրաինայից զենքի և ռազմական տեխնիկայի մատակարարման համար։ Այս մասին հայտարարել է Մեծ Բրիտանիայի պաշտպանության պետքարտուղար Բեն Ուոլիսը։
Փոխարենը, ըստ պաշտոնյայի, իրենք քննադատություն են լսում Կիևից այն բանի համար, որ ՆԱՏՕ երկրները հրաժարվել են արագացված ընթացակարգով երկիրն ընդունել դաշինք։
«Ձեզ դուր է գալիս, թե ոչ, մարդիկ ուզում են մի փոքր երախտագիտություն տեսնել: Երբեմն դուք երկրներին խնդրում եք հրաժարվել զենքի սեփական պաշարներից»,- ասել է Ուոլիսը Վիլնյուսում ՆԱՏՕ-ի հանրային ֆորումի ժամանակ:
Նախարարը հիշեցրել է, որ անցյալ տարի Ուկրաինա կատարած այցի ժամանակ երկրի իշխանություններն իրեն տրամադրել են ուկրաինական զինված ուժերին անհրաժեշտ սպառազինությունների ցուցակ, որը հիշեցրել է խանութ գնալու մասին։ «Գիտե՞ք, մենք Amazon-ը չենք: Ես դա նրանց ասել եմ անցյալ տարի, երբ 11 ժամ քշեցի, որ ինձ հանձնեն ցուցակը»,- հավելել է Միացյալ Թագավորության պաշտպանության պետքարտուղարը։
