Խաղաղապահներ ուղարկեք Գազա․ Իռլանդիայի նախագահը կոչով դիմել է ՄԱԿ-ին
Իռլանդիայի նախագահը կոչ է անում ՄԱԿ-ին խաղաղապահներ ուղարկել Գազա։
«ՄԱԿ-ի կանոնադրության մեջ կա 7-րդ հոդված, որն ասում է, որ ՄԱԿ-ի Գլխավոր ասամբլեայի որոշակի աջակցությամբ, նույնիսկ եթե ՄԱԿ-ի Անվտանգության խորհուրդը վետո դնի դրան, գլխավոր քարտուղարը կարող է զորքեր ուղարկել՝ մարդասիրական օգնության հասանելիությունը երաշխավորելու համար», - RTE պետական ռադիոկայանին ասել է Մայքլ Հիգինսը։
Հիգինսը Գազայում տեղի ունեցողը անվանել է «անպատասխանատվության տիրապետություն»։ «Սա անսովոր պահ է, երբ Իսրայելի կաբինետի երեք անդամներ բացահայտորեն հետաքրքրություն են ցուցաբերում անօրինական գործողությունների նկատմամբ՝ առանց հաշվի առնելու միջազգային իրավունքը», - ասել է նա։
