Թրամփը հիմար չէ, նա ամեն ինչ շատ լավ տեսնում է. Լուկաշենկո
Բելառուսի նախագահ Ալեքսանդր Լուկաշենկոն հայտարարել է, որ ԱՄՆ նախագահ Դոնալդ Թրամփը որոշ չափով զայրացած է եվրոպացի առաջնորդների վրա, այդ իսկ պատճառով էլ համապատասխան ձևով է վերաբերվում նրանց: Այս մասին հայտնում է «Ռիա Նովոստի»-ն:
«Նա, իհարկե, զայրացած է եվրոպացի առաջնորդների վրա և գիտակցում է նրանց իրական դերը աշխարհաքաղաքականության մեջ։ Նրանք արժանի էին դրան: Նրանք պարզապես պարտվողներ են», - ասել է Բելառուսի նախագահը:
Նրա խոսքով՝ «Թրամփը հարգում և գնահատում է Ռուսաստանի նախագահի՝ Վլադիմիր Պուտինի կարծիքը, քանի որ նա հիմար չէ, նա ամեն ինչ հասկանում է»:
