Ամերիկայում արգելվեց՝ Ուկրաինայի հարցով, դաշնակիցներին հետախուզական տվյալներ տրամադրել
Վաշինգտոնի վարչակազմը հրամայել է ԱՄՆ հետախուզական հանրությանը արևմտյան «հինգ աչք» դաշինքի անդամներին չտրամադրել որևէ տվյալ, որը վերաբերում է Մոսկվայի և Կիևի հետ բանակցություններին՝ կապված Ուկրաինայի հակամարտության կարգավորման հետ: Այս մասին հայտնել Է CBS-ի հեռուստաալիքը։
Հեռուստաալիքը աղբյուրների խոսքով՝ ԱՄՆ ազգային հետախուզության տնօրեն Թուլսի Գաբարդը կարգադրել է ամերիկյան հատուկ ծառայություններին «խաղաղության մասին ռուս-ուկրաինական բանակցությունների վերաբերյալ որևէ տեղեկություն չտրամադրել» այդ դաշինքի անդամներին: Այն, բացի ԱՄՆ-ից, ներառում է Ավստրալիան, Մեծ Բրիտանիան, Կանադան և Նոր Զելանդիան:
Ըստ նրա՝ հետախուզական տեղեկատվությունը չի կարելի ներկայացնել այլ պետությունների քաղաքացիներին, եթե այն ավելի վաղ չի հրապարակվել ։ Արգելքը չի վերաբերում բանակցություններին անմիջականորեն չառնչվող և դիվանագիտական ուղիներով ստացված տեղեկություններին, ինչպես նաև այն տեղեկատվությանը, որը Կիևին փոխանցվում է ռազմական գործողություններին աջակցելու համար: Այս արգելքի պատճառների մասին չի հաղորդվում։
