Թրամփն օնլայն հանդիպում կանցկացնի Զելենսկու հետ, Պուտինի հետ գագաթնաժողովից առաջ
ԱՄՆ նախագահ Դոնալդ Թրամփը և փոխնախագահ Ջեյ Դի Վենսը օգոստոսի 13-ին օնլայն հանդիպում կանցկացնեն Ուկրաինայի նախագահ Վլադիմիր Զելենսկու և եվրոպացի առաջնորդների հետ Ալյասկայում կայանալիք գագաթնաժողովի նախօրեին: Այս մասին հայտնել է ABC News-ը:
Նախօրեին Զելենսկին հայտարարել էր, որ Ռուսաստանի ղեկավար Վլադիմիր Պուտինը պատրաստվում է «նոր հարձակողական գործողությունների»՝ չնայած ուրբաթ օրը Ալյասկայում նախատեսված խաղաղ գագաթնաժողովին:
Հիշեցնենք` ԱՄՆ նախագահ Դոնալդ Թրամփը Ռուսաստանի նախագահ Վլադիմիր Պուտինի հետ Անքորիջում, Ալյասկա նահանգում կհանդիպի դեմ առ դեմ:
