Թրամփը մտադիր է հաջորդ շաբաթ անձամբ հանդիպել Պուտինի հետ

 ԱՄՆ նախագահ Դոնալդ Թրամփը Գերմանիայի կանցլեր Ֆրիդրիխ Մերցի հետ հեռախոսազրույց է ունեցել։ Թրամփը հայտնել է, որ Միացյալ Նահանգների նախագահի հատուկ բանագնաց Ուիթքոֆֆի և Ռուսաստանի Դաշնության նախագահ Պուտինի միջև զրույցն ավելի արդյունավետ է եղել, քան սպասվում էր։

Միևնույն ժամանակ The New York Times-ը հայտնել է, որ իր աղբյուրների համաձայն՝ Թրամփը մտադիր է արդեն հաջորդ շաբաթ անձամբ հանդիպել Պուտինի հետ։ Կարճ ժամանակ անց նաև նախատեսում է եռակողմ հանդիպում կազմակերպել Պուտինի և Ուկրաինայի նախագահ Վոլոդիմիր Զելենսկու մասնակցությամբ։

«Թրամփը հայտնել է իր մտադրությունների մասին՝ եվրոպական առաջնորդների հետ ունեցած հեռախոսազրույցի ընթացքում։ Նախատեսվում է, որ հանդիպումներին ներկա կլինեն միայն երեք առաջնորդները՝ առանց Եվրոպայի ներկայացուցիչների մասնակցության»,- նշվում է հոդվածում: