Կառավարությունը վաճառում է «Վիվա Արմենիա»-ի բաժնեմասը
Կառավարությունը հավանություն է տվել «Վիվա Արմենիա» հեռահաղորդակցական ընկերությունում որպես նվեր ստացած իր բաժնեմասի 20 տոկոսը վաճառելու գործարքի ստորագրմանը:
«Վիվա Արմենիա»-ի բաժնետեր «Ֆեդիլքո գրուպ լիմիթեդ» կիպրական ընկերությունը Կառավարությանն առաջարկել է կնքել օպցիոն պայմանագիր, որին գործադիրը մտադիր է համաձայնություն տալ։ Համապատասխան որոշումը կկայացվի Կառավարության վաղվա նիստում։
Ըստ պայմանագրի՝ Կառավարությունն ընկերությունում իր 20 տոկոսը վաճառելու դեպքում ստանալու է 50 միլիոն դոլար։
Որոշման վերաբերյալ մտահոգություններ են ներկայացրել Ֆինանսների և Արդարադատության նախարարությունները։
