Թրամփը մեկնաբանել է Պուտինի և Ուիթքոֆի հանդիպումը

ԱՄՆ առաջնորդ Դոնալդ Թրամփը բարձր է գնահատել Ռուսաստանի նախագահ Վլադիմիր Պուտինի և Սպիտակ տան հատուկ դեսպանորդ Սթիվեն Ուիթքոֆի հանդիպումը։

«Իմ հատուկ դեսպանորդ Սթիվ Ուիթքոֆը հենց նոր շատ արդյունավետ հանդիպում ունեցավ Ռուսաստանի նախագահ Վլադիմիր Պուտինի հետ», - գրել է նա Truth Social սոցիալական ցանցի իր էջում։

Նա նաև ասել է, որ առաջիկա օրերին և շաբաթներին մտադիր է աշխատել ռազմական գործողությունները դադարեցնելու ուղղությամբ։

Զրույցը տևել է ավելի քան երեք ժամ։ Սա Դոնալդ Թրամփի հատուկ դեսպանորդի Ռուսաստան կատարած հինգերորդ այցն է 2025 թվականին։

Ինչպես հանդիպումից հետո պարզաբանեց Ռուսաստանի նախագահի օգնական Յուրի Ուշակովը, երկու երկրների առաջնորդները Սթիվեն Ուիթքոֆի միջոցով Ուկրաինայի վերաբերյալ ազդանշաններ են փոխանակել։

Ուշակովը հանդիպումն անվանել է օգտակար և կառուցողական։ Նա նաև նշել է, որ ուկրաինական հակամարտությունից բացի, քննարկվել են Մոսկվայի և Վաշինգտոնի միջև ռազմավարական համագործակցության հնարավոր զարգացման հեռանկարները։