Ադրբեջանը մեր տունն է. նրանց հետ ոչ պատշաճ կապերը Իրանի մեղքն է. Փեզեշկիան
«Ադրբեջանը մեր տունն է, և եթե կապերը չեն հաստատվում, դա մեր սեփական մեղքն է»,- այս մասին հայնտել է Իրանի նախագահ Մասուդ Փեզեշկիանը:
Զանջան կատարած այցի ժամանակ Իրանի նախագահը պատասխանել է Ադրբեջան կատարած իր վերջին այցի վերաբերյալ քննադատություններին։
«Ադրբեջանը մեր տունն է։ Ինչպե՞ս կարող է պատահել, որ ես այնտեղ չեմ գնացել և որոշ համաձայնությունների չեմ հասել։ Մենք չենք կարող կապ հաստատել, բայց Իսրայելը կարող է։ Մենք պետք է տեսնենք, թե որտեղ է խնդիրը, որ մենք չենք կարող հաստատել պատշաճ և բարիդրացիական հարաբերություններ», - ասել է Մասուդ Փեզեշկիանը։
Նա ընդգծել է, որ եթե երկու երկրների միջև հարաբերություններ չեն հաստատվում, ապա Թեհրանն է պատասխանատու դրա համար:
