Գերմանիան խոշորագույն ռազմական պատվեր է պատրաստում. Bloomberg

Գերմանիան 8,5 հազար միավոր զրահատեխնիկայի խոշորագույն ռազմական պատվեր է պատրաստում: Այս մասին գրել է Bloomberg-ը:

Գերմանիայի պաշտպանության նախարարության աղբյուրների տվյալներով՝ մինչև տարեվերջ պաշտպանության նախարար Բորիս Պիստորիուսը կներկայացնի 22 մլրդ եվրոյի գնումների մասշտաբային պլան։

Ցուցակում ընդգրկված են 20 Eurofighter կործանիչներ, 5 հազար Boxer զրահամեքենա և 3,5 հազար Patria Oyj: Քննարկվում է նաև Leopard 2 տանկերի և նոր տեսակի անօդաչու թռչող սարքերի ձեռքբերման հարցը:

Այս գնումները կդառնան Բունդեսվերի՝ «Եվրոպայի ամենահզոր պայմանական բանակի» վերափոխման առանցքային փուլը։ Այդ կապակցությամբ Գերմանիան նախատեսում է մինչև 2029 թվականը պաշտպանական բյուջեն հասցնել 162 մլրդ եվրոյի։