Կամբոջան հերքել է Թաիլանդի հետ հրադադարի խախտման մեղադրանքները
Կամբոջան հերքում է սահմանային գոտում հրադադարի խախտման վերաբերյալ թաիլանդական բանակի մեղադրանքները։ Այս մասին հայտնել է Կամբոջայի ազգային պաշտպանության նախարարության մամուլի քարտուղար գեներալ-լեյտենանտ Մալի Սոչեատին։
Վերջինս նշել է, որ Կամբոջայի ԶՈւ-ն խստորեն պահպանում է Պնոմպենի հրամանները և կեսգիշերին ուժի մեջ մտած հրադադարի համաձայնագիրը։ Մամուլի քարտուղարը նշել է, որ կամբոջական կողմը հստակ պարտավորություններ է ստանձնել և կատարել է Մալայզիայի մայրաքաղաքում ձեռք բերված պայմանավորվածությունները։
Հիշեցնենք՝ ավելի վաղ Թաիլանդը Կամբոջային մեղադրել էր հրադադարը խախտելու մեջ: Կողմերի միջև հրադադարն ուժի մեջ էր մտել հուլիսի 29-ի կեսգիշերին։
