Ուկրաինան առաջին անգամ ադրբեջանական գազ է ստացել

Ուկրաինական «Նավթոգազ» ընկերությունների խումբը առաջին համաձայնագիրն է ստորագրել SOCAR Energy Ukraine (Ադրբեջանի պետական նավթային ըկերություն) ընկերության հետ:

Ընկերության տվյալներով՝ առաջին անգամ իրականացվում է Տրանսբալկանյան երթուղով՝ ադրբեջանական գազի փորձնական մատակարարումը Բուլղարիա-Ռումինիա-Ուկրաինա միջանցքով։

«Դա ծավալով փոքր, բայց ռազմավարական կարևոր քայլ է, որը ճանապարհ է բացում երկարաժամկետ համագործակցության համար։ Սա նաև մատակարարման աղբյուրների դիվերսիֆիկացման և Ուկրաինայի էներգետիկ անվտանգության ամրապնդման ևս մեկ օրինակ է»,- գործարքը մեկնաբանել է «Նավթոգազի» գլխավոր տնօրեն Սերգեյ Կորեցկին։