Ռուսաստանը և Ուկրայինիան շարունակում են փոխադարձ հարձակումները
Ուկրաինական ուժերը դրոններով հարձակումներ են իրականացրել ռուսաստանյան Ստավրոպոլի երկրամասում և Ռոստովի մարզում, հաղորդվում է զոհերի մասին: Ռոստովի մարզի Զիմովնիկովսկի շրջանում անօդաչու թռչող սարքի հարձակման հետևանքով երկու մարդ է զոհվել, հայտարարել է նահանգապետի պաշտոնակատար Յուրի Սլյուսարը։
Ստավրոպոլի բնակիչները էլ հայտնել են քաղաքում պայթյունների մասին։ Թիրախավորվել է քաղաքում գտնվող «Սիգնալ» ռադիոգործարանը, որն օդային, ցամաքային և ծովային օգտագործման ակտիվ խլացնող կայաններ է արտադրում: Տուժածների մասին չի հաղորդվել։
Ուկրաինայի պաշտոնական աղբյուրներն էլ իրենց հերթին հաղորդում են Դնեպրոպետրոսվսկի մարզի վրա ռուսական զորքերի զանգվածային հարձակումների մասին։ Մարզի ռազմական վարչակազմի ղեկավար Սերգեյ Լիսակի խոսքով՝ մեկ մարդ զոհվել է, մեկը՝ վիրավորվել։
«Սարսափելի գիշեր էր», - հայտարարել է Լիսակը հավելելով, որ հարձակման հետևանքով վնասվել է բնակելի շենք, արդյունաբերական ձեռնարկություններ:
