Զգուշացում Ֆրանսիային՝ Իսրայելի հողը պատկանում է Իսրայելի ժողովրդին. Արդարադատության նախարար

Իսրայելի արդարադատության նախարար Յարիվ Լևինը Ֆրանսիայի նախագահ Էմանուել Մակրոնի՝ Պաղեստին պետությունը ճանաչելու որոշումը Ֆրանսիայի պատմության մեջ սև բիծ և ահաբեկչության ուղղակի աջակցություն է անվանել, հայտնում է «ՏԱՍՍ»-ը:

«Ֆրանսիայի նախագահ Մակրոնի՝ կեղծ որոշումը, Պաղեստինյան պետությունը ճանաչելու հետ կապված սև բիծ է Ֆրանսիայի պատմության վրա և ուղղակի աջակցություն է ահաբեկչությանը: Իսրայելի հողը պատկանում է Իսրայելի ժողովրդին, և նույնիսկ նախագահ Մակրոնի հայտարարությունը չի կարող փոխել դա։ Ժամանակն է տարածել Իսրայելի ինքնիշխանությունը Հրեաստանի, Սամարիայի և Հորդանանի հովտի վրա։ Սա պատմական արդարության պատասխան է Ֆրանսիայի նախագահի ամոթալի որոշմանը», - ասել է Իսրայելի արդարադատության նախարարը:

Հավելենք՝ ավելի վաղ հայտնել էինք, որ Ֆրանսիան պաշտոնապես կճանաչի Պաղեստին պետությունը սեպտեմբերին ՄԱԿ-ի Գլխավոր ասամբլեայում։