Ֆրանսիան կճանաչի Պաղեստին պետությունը. Մակրոն
Ֆրանսիայի նախագահ Էմանուել Մակրոնը Պաղեստինի ղեկավար Մահմուդ Աբբասին ուղղված նամակում նշել է, որ սեպտեմբերին կճանաչի Պաղեստին պետությունը։
«Հավատարիմ մնալով Մերձավոր Արևելքում արդար և կայուն խաղաղության հաստատման իր պատմական հանձնառությանը՝ ես որոշել եմ, որ Ֆրանսիան կհայտարարի Պաղեստին պետության ճանաչումը։
Այդ մասին պաշտոնական հայտարարությամբ հանդես կգամ Միավորված ազգերի կազմակերպության Գլխավոր ասամբլեայի ժամանակ՝ առաջիկա սեպտեմբերին։ Այսօրվա հրատապ խնդիրն է՝ կանգնեցնել պատերազմը Գազայում և օգնություն ցուցաբերել խաղաղ բնակչությանը»,- X-ում գրել է Մակրոնը։
