25 տարի անց Իսրայելն ու Սիրիան բարձր մակարդակի հանդիպումն են անցկացրել
Իսրայելի և Սիրիայի նախարարները 25 տարվա ընթացքում առաջին անգամ բարձր մակարդակի հանդիպում են անցկացրել։ Այս մասին հայտնել է Axios-ը:
Հանդիպումը տեղի է ունեցել Փարիզում, այն տևել է չորս ժամ՝ ԱՄՆ նախագահ Դոնալդ Թրամփի հատուկ ներկայացուցիչ Թոմ Բարաքի միջնորդությամբ։
Իսրայելը ներկայացրել է ռազմավարական հարցերով նախարար Ռոն Դերմերը, իսկ Սիրիան՝ արտաքին գործերի նախարար Ասադ Ալ-Շեյբանին։
Իսրայելի կառավարությունը հայտնել է, որ հույս ունի սահմանային անվտանգության հարցերից բացի, Ֆրանսիայում կայանալիք գագաթնաժողովը կհանգեցնի Սիրիայի պատրաստակամության աճի՝ Իսրայելի հետ դիվանագիտական քայլեր ձեռնարկելու համար։
