Սպիտակ տունը պահանջում է Ռուսաստանի մասին հետախուզական տվյալների կեղծումն անմիջապես բացահայտել

ԱՄՆ հանրապետական սենատորները դիմել են ԱՄՆ Արդարադատության նախարարությանը՝ հատուկ դատախազ նշանակելու խնդրանքով՝ ԱՄՆ 44-րդ նախագահ Բարաք Օբամայի վարչակազմի կողմից Ռուսաստանի վերաբերյալ հետախուզական տվյալների մանիպուլյացիայի գործով հետաքննություն անցկացնելու համար։ Այս մասին X սոցիալական ցանցի իր էջում հայտնել է օրենսդիր Լինդսի Գրեհեմը

«Կոչ ենք անում Ռուսաստանին  ԱՄՆ դատախազ Փեմ Բոնդիին նշանակել հատուկ դատախազ՝ հետաքննություն անցկացնելու համար»։

Հետաքննության առարկան, ըստ հանրապետականների, պետք է լինի «այն չափը, որով նախկին նախագահ Օբաման, նրա օգնականները և նրա վարչակազմի պաշտոնյաները մանիպուլյացիայի են ենթարկել ԱՄՆ ազգային անվտանգությունն ապահովող ապարատը քաղաքական նպատակներով»։

ԱՄՆ հատուկ խորհրդականի պաշտոնանկությունը հնարավոր է միայն որոշակի հանգամանքներում, անկախ նրանից, թե ով է նախագահը: Միայն գլխավոր դատախազը կարող է նման որոշում կայացնել, եթե պարզվի, որ հատուկ խորհրդականը խախտումներ է կատարել, այդ թվում՝ չի կատարել իր պարտականությունները կամ գործել է անօրինական:

Հավելենք՝ ԱՄՆ նախագահ Դոնալդ Թրամփը հուլիսի 22-ին հայտարարել է, որ դեմոկրատների կողմից 2016 թվականի ԱՄՆ ընտրություններին Ռուսաստանի միջամտության մասին միտումնավոր կեղծ տեղեկատվության տարածումը «դարի հանցագործություն» է և լուրջ սպառնալիք է ներկայացնում ԱՄՆ-ի համար։