Ադրբեջանում այլևս անկախ լրատվամիջոցներ չկան. լրագրողների նկատմամբ ճնշումներն աննախադեպ մակարդակի են հասել
Ադրբեջանում այլևս գոյություն չունեն անկախ լրատվամիջոցներ, իսկ լրագրողների նկատմամբ ճնշումներն աննախադեպ մակարդակի են հասել 2001 թվականից ի վեր՝ երկրի՝ Եվրոպայի Խորհրդին անդամակցելու պահից: Այս մասին ասվում է Amnesty International իրավապաշտպան կազմակերպության զեկույցում։
Փաստաթղթում ընդգծվում է, որ ադրբեջանական իշխանությունները հետևողականորեն ճնշում են անկախ լրագրությունը՝ օգտագործելով քաղաքական դրդապատճառներով հետապնդումներ և բռնաճնշումներ:
«Այդ գործողությունների նպատակն է խեղդել լրագրողական գործունեությունը և արգելափակել անկախ ֆինանսավորման հասանելիությունը»,- նշված է զեկույցում:
Amnesty International-ը նաև նշում է, որ լրագրողների դեմ առաջադրված մեղադրանքները, ինչպիսիք են մաքսանենգությունը, ապօրինի ձեռնարկատիրությունը, փողերի լվացումը կամ հարկերից խուսափելը, հաճախ չեն հիմնավորվում ապացույցներով և օգտագործվում են որպես գործիք նրանց վախեցնելու և լռեցնելու համար:
Առանձին մտահոգություն են առաջացնում կալանավորված լրագրողների պահման պայմանները. իրավապաշտպանների տվյալներով՝ նրանց հաճախ մերժում են բժշկական օգնություն և սահմանափակում շփումը ընտանիքների հետ:
Նմանատիպ հոդվածներ
Կտրիճ Ներսիսյանից ազատում ենք Վեհարանը, բարեվարք քահանա նշանակում. Փաշինյան
Եթե ՀԷՑ-ը պետականացվի, Սամվել Կարապետյանին կտրամադրվի փոխհատուցում. Գալյան
Գյումրիի քաղաքապետարանը ներողություն է հայտնել
Սևանի ափ գալը ծախս է. ռեստորաններում տեղ ու դադար չկա. Փաշինյան
Ավելին Քաղաքականություն բաժնից
Լուրերը մեկ տողով. Փաշինյան–արցախցի վեճ, հասարակական արձագանք և Մերձավոր Արևելքի լարվածություն՝ մեկ օրում
Լուրերը մեկ տողով. Սառը եղանակ, տաք ճակատներ․ ներքաղաքական քայլեր և Մերձավոր Արևելքում էսկալացիա
Լուրերը մեկ տողով. ՀՀ-ում եղանակի կտրուկ փոփոխությունից մինչև տարածաշրջանային պատերազմի վերաձևում
