Ֆրանսիայում մի շարք ընկերություններ կմեղադրվեն հանցագործության մեջ

Telegram-ի համահիմնադիր Պավել Դուրովը հայտարարել է, որ Ֆրանսիայում ստեղծված իրավիճակն այնպիսին է, որ ցանկացած տեխնոլոգիական ընկերություն կարող է անհիմն մեղադրվել հանցավոր գործունեության մեջ: Այս մասին նա  գրել է « X» սոցիալական ցանցի իր էջում։

«Ֆրանսիայում ցանկացած տեխնոլոգիական ընկերություն այժմ կարող է համարվել «հանցավոր խումբ»։ Ֆրանսիայում առանձին պաշտոնյաների գործողությունների պատճառով վտանգված է տեխնոլոգիական ոլորտում ներդրումներ իրականացնելու կամ ներգրավելու երկար տարիների աշխատանքը»,- հավելել է նա։

Նա ընդգծել է, որ նորարարությունների զարգացմանն ուղղված ջանքերը խաթարվում են բյուրոկրատների կողմից, ովքեր, ըստ նրա, հետապնդում են անձնական կարիերայի նպատակներ և առաջ են մղում որոշակի քաղաքական օրակարգ՝ վնասելով ֆրանսիական հասարակության շահերը։