Սպերցյանը` ՊՍԺ կամ «Ժիրոնա» հնարավոր տեղափոխության լուրերի մասին

Հայաստանի ազգային հավաքականի և «Կրասնոդարի» կիսապաշտպան Էդուարդ Սպերցյանն պատասխանել է մամուլում շրջանառվող տեղեկություններին՝ կապված իր հնարավոր տեղափոխության հետ ՊՍԺ կամ «Ժիրոնա»։

«Ինչ վերաբերում է շրջանառվող լուրերին՝ ես արդեն պատասխանել եմ այս հարցին։ Երբ լինեն կոնկրետ մանրամասներ, այդ ժամանակ կխոսենք»,- հայտնել է Սպերցյանը RB Sport-ին տված հարցազրույցում։

Լրագրողները նաև հետաքրքրվել են՝ եթե լիներ ընտրության հնարավորություն, ո՞ր տարբերակը կընտրեր՝ Ֆրանսիան, թե՞ Իսպանիան։

Սպերցյանը պատասխանել է․ «Եկեք հիմա դրա մասին չխոսենք»։

Ավելի վաղ հայտնել էինք՝ «Կրասնոդարը» բանակցություններ է սկսել «Ժիրոնայի» հետ, և Սպերցյանը համաձայնություն է տվել հնարավոր տրանսֆերին։