Կրասնոդարը նոր պայմանագիր կառաջարկի Սպերցյանին

«Կրասնոդարը» պատրաստվում է նոր պայմանագիր առաջարկել թիմի ավագ Էդուարդ Սպերցյանին՝ բարելավված պայմաններով։ Նրա գործող պայմանագիրը ուժի մեջ է մինչև 2026 թվականը: Այս մասին հայտնում է Metaratings.ru-ն։

25-ամյա Էդուարդ Սպերցյանն իր ողջ կարիերան անցկացրել է «Կրասնոդար» ակումբում։ Նա մասնակցել է 144 հանդիպման, խփել 44 գոլ և կատարել 32 գոլային փոխանցում։ Նրա պայմանագիրը ակումբի հետ գործում է մինչև 2026 թվականի հունիսը։

Ըստ Transfermarkt-ի՝ ֆուտբոլիստի շուկայական արժեքը կազմում է 25 միլիոն եվրո։