Մտադիր չեմ հրաժարականի դիմում գրել, իմ ազատումը անօրինական է. Դավիթ Ղազինյան
Մտադիր չեմ հրաժարականի դիմում գրել, իմ ազատումը անօրինական է: Այս մասին ասել է ՀԷՑ տնօրենի պաշտոնակատար Դավիթ Ղազինյանը:
«Ես դիմում չեմ գրելու, ես անձամբ իրեն չեմ վստահում, իրենց իշխանությանը չեմ վստահում: Եթե մենք գնում ենք, կներեք, «беспредел» տարբերակով, իհարկե, ամեն ինչ կարող են»,- ասել է նա:
Հիշեցնենք՝ լրագրողների հետ զրույցում ՀԷՑ-ի ժամանակավոր կառավարիչ Ռոմանոս Պետրոսյանը հայտարարել է, որ ազատումներ կլինեն թոփ մենեջմենթի շրջանակներում կոնկրետ անձինք, որոնք իրենց կառավարման շրջանում ՀԷՑ-ը հասցրել են այս վիճակին:
«Դավիթ Ղազինյանը ձև չունի մնալու, ՀԷՑ-ը այս վիճակին, կարծես թե հասցնողներից մեկը այդ նույն պաշտոնյան է»,- ասել է Պետրոսյանը:
