Հիմա էլ Գալստանյանից պլավնի անցնում է նոր տիրոջ փնտրտուքի. Արայիկ Հարությունյանը` Թաթոյանի գրառման մասին

Թաթոյան Արմանին ասեք վերջ տա «Ինչպես ես անցկացրի ամառային արձակուրդները» ազատ ոճի շարադրություններին: Եկեղեցում գտել էր մեկին, ում պոչը բռնած էլի սենց շարադրությունն էր հնարում, էն էլ պարզվեց ահաբեկչություն նախապատրաստողի պոչ է բռնել, որի համար Թաթոյանը դեռ առնվազն քաղաքական պատասխանատվություն է կրելու: Այս մասին ֆեյսբուքյան իր էջում գրել է ՀՀ վարչապետի աշխատակազմի ղեկավր Արայիկ Հարությունյանը:

«Հիմա էլ Գալստանյանից պլավնի անցնում է նոր տիրոջ փնտրտուքի, որովհետև Թաթոյանն առանց ՇԵՖ գոյություն ունենալ չի կարող: Դա պատմությունն է ցույց տվել»,- գրել է Հարությունյանը:

Հիշեցնենք` ավելի վաղ նախկին ՄԻՊ Արման Թաթոյանը ֆեյսբուքյան իր էջում գրել էր. «Վարչապետի պաշտոնը բացահայտ չարաշահող ՔՊ կուսակցության ղեկավարն իր սադրիչ քայլերով, թշնամանքով լի բառապաշարով ակնհայտորեն բախում է հրահրում»