Բաքուն՝ Մոսկվայում ադրբեջանական պատվիրակության բացակայության մասին
Ադրբեջանական պատվիրակության չմասնակցելը Մոսկվայում կայանալիք ԱՊՀ տնտեսական խորհրդի նիստին կարելի է բացատրել մի շարք օբյեկտիվ պատճառներով: Այս մասին հայտարարել է Ադրբեջանի նախագահի օգնական, նախագահի աշխատակազմի արտաքին քաղաքականության վարչության պետ Հիքմեթ Հաջիևը, գրում է «Ռիա Նովոստի»-ն:
«ԱՊՀ տնտեսական խորհրդի Մոսկվայում կայացած նիստին ադրբեջանական պատվիրակության չմասնակցելը կարելի է բացատրել մի շարք օբյեկտիվ պատճառներով, սակայն դա ոչ մի կերպ կապված չէ Ադրբեջանի և Ռուսաստանի միջև հարաբերությունների ներկայիս վիճակի հետ։ Սա կարելի է բացատրել տարբեր գործոններով, այդ թվում՝ պատվիրակության անդամների անձնական գրաֆիկի փոփոխություններով», - ասել է նա:
Ադրբեջանի նախագահի օգնականի խոսքով՝ այս միջոցառումն անցկացվում է ԱՊՀ շրջանակներում, և Ռուսաստանի և Ադրբեջանի երկկողմ օրակարգի հարցերը որևէ կապ չունեն դրա հետ։
Հիշեցնենք՝ ադրբեջանական կողմն ավելի վաղ հայտնել էր, որ Բաքուն չի մասնակցի ԱՊՀ 106-րդ տնտեսական խորհրդի նիստին:
