ԱՄՆ հետախուզության աղբյուրները՝ Իրանի նախագահի դեմ ծրագրված սպանության մասին

ԱՄՆ հետախուզության երկու աղբյուրներ CBS News-ին հաստատել են, որ Իրանի նախագահ Մասուդ Փեզեշքիանը վիրավորվել է Իրանի վրա Իսրայելի կողմից իրականացված հարձակումներից մեկի ժամանակ։

Աղբյուրները հայտնել են, որ իրանական պետական լրատվամիջոցների հաղորդագրությունները, թե Փեզեշքիանը հարվածի պահին մասնակցում էր Ազգային անվտանգության բարձրագույն խորհրդի նիստին, ճշգրիտ էին, «Իսրայելի թիրախում եղել է Իրանի նահագահը»: Պետական լրատվամիջոցների հաղորդագրության մեջ ասվում է, որ նա ոտքի վնասվածքներ է ստացել։

Հիշեցնենք՝ ավելի վաղ լրագրող Թաքեր Կարլսոնի հետ հարցազրույցում Իրանի նախագահ պնդել էր, որ Իսրայելը փորձել էր սպանել իրեն՝ հրետակոծելով այն տարածքը, որտեղ նա գտնվում էր։

Հարցին, թե արդյոք նա հավատում է, որ Իսրայելը փորձել է սպանել իրեն, Փեզեշքիանը պատասխանել է. «Այո, նրանք փորձեցին։ Եվ նրանք համապատասխանաբար գործեցին, բայց ձախողվեցին»։