Լեբեդևը Հայաստանի՝ ԱՊՀ-ից հնարավոր դուրս գալու մասին
Անկախ Պետությունների Համագործակցությունից ՀՀ-ի դուրս գալու ցանկության մասին որևէ ազդանշան չի եղել, այս տարբերակը բացառվում է։ Այս մասին ՏԱՍՍ-ին հայտարարել է կազմակերպության գլխավոր քարտուղար Սերգեյ Լեբեդևը ԱՊՀ տնտեսական խորհրդի 106-րդ նիստում:
«Ես լիովին բացառում եմ այս տարբերակը, մենք որևէ նշան չունենք, որ Հայաստանը պատրաստվում է դուրս գալ ԱՊՀ-ից, ուզում եմ ասել՝ ինչպես նաև Ադրբեջանը», - ասել է նա՝ պատասխանելով կազմակերպությունից Հայաստանի դուրս գալու հնարավորության մասին հարցին՝ հանրապետության վարչապետ Նիկոլ Փաշինյանի՝ ՀԱՊԿ-ից Հայաստանի հնարավոր դուրս գալու և ԵՄ-ին միանալու ծրագրերի մասին հայտարարությունների ֆոնին։
