Ռուսաստում քննարկում է բջջային ինտերնետի զանգվածային անջատման կանոնների ներդրումը
Ռուսաստանի Դաշնության բիզնեսի և թվայնացման նախարարության ներկայացուցիչներն այս պահին քննարկում են բջջային ինտերնետի անջատման կանոնների ներդրումը: Այս մասին հայտնում է «Իզվեստիա» թերթը:
Որպես կանոն, բջջային կապի անջատման կարգադրությունները տրվում են տեղական ինքնակառավարման մարմինների, արտակարգ իրավիճակների նախարարության մարզային վարչությունների և այլ պաշտոնատար անձանց և կազմակերպությունների կողմից:
Ուկրաինայի ԱԹՍ-ների հաճախակի դարձած հարձակումների պատճառով նման կարգադրությունները չափազանց շատ են դարձել, իսկ նրանց պահանջները երբեմն քաոսային բնույթ են կրում, նշել է բջջային օպերատորներից մեկին մոտ կանգնած աղբյուրը:
Այս պահին օպերատորների աշխատակիցները ծանրաբեռնված են անջատման պահանջներով դիմումներով, որոնք ուղարկում են տեղական մակարդակի ոչ լիազորված ղեկավարները։
Արգելափակման կարգի կարգավորումը թույլ կտա նվազեցնել օգտատերերի համար անհարկի և չարդարացված անջատումները:
