Գերմանիան և ԱՄՆ-ն օպերատիվ կքննարկեն Ուկրաինային զենքի մատակարարման մանրամասները.
Գերմանիայի կանցլեր Ֆրիդրիխ Մերցը հայտարարել է, որ եվրոպացի գործընկերները և ԱՄՆ-ն օպերատիվ կքննարկեն Ուկրաինային զենք մատակարարելու մանրամասները՝ ԱՄՆ նախագահ Դոնալդ Թրամփի՝ Կիևին ռազմական օգնության մասին խոսքերից հետո: Այս մասին նա գրել է X սոցցանցում։
«ԱՄՆՆախագահ Թրամփն այսօր կարևոր նախաձեռնություն է սկսել՝ ԱՄՆ-ն Ուկրաինային մեծ ծավալով զենք կտրամադրի, եթե եվրոպացի գործընկերները ֆինանսավորեն այն։ Մենք նախագահ Թրամփի հետ վերջին օրերին բազմիցս քննարկել ենք դա»,- հավելել է Մերցը։
Նա նշել է, որ այժմ կողմերը օպերատիվ կերպով կպարզաբանեն մանրամասները։ Գերմանիան դա անում է սեփական շահերից ելնելով:
