ԱՄՆ սպառնալիքները չեն փոխի Մոսկվայի հաշվարկները
Ամերիկյան զենքի նոր մատակարարումները Կիև և ԱՄՆ նախագահ Դոնալդ Թրամփի սպառնալիքը՝ պատժամիջոցներ կիրառել Ռուսաստանի դեմ Ուկրաինայի վերաբերյալ համաձայնագրերի բացակայության դեպքում, չեն փոխի Ռուսաստանի ծրագրերը, քանի որ Մոսկվան առավելություն ունի մարտադաշտում։ Այս մասին հաղորդում է The New York Times-ը։
«Ուկրաինային օգնության ավելացումը քիչ հավանական է, որ էապես փոխի ուժերի հավասարակշռությունը մարտադաշտում», - ասվում է հոդվածում։
Թերթի փոխանցմամբ՝ «Թրամփի վերջնագիրը» չի փոխի Մոսկվայի հաշվարկները։
Միևնույն ժամանակ հոդվածում նշվում է, որ ռազմական գործողությունների ակտիվ փուլի ավարտից հետո «կարող է հայտնվել բանակցությունների հնարավորությունների պատուհան»։
