Օդի ջերմաստիճանը կհասնի +39-ի. եղանակը` Հայաստանում

Այսօր Հայաստանի տարածքում անձրև չի գա, որոշ հատվածներում օդի ջերմաստիճանը կհասնի +39-ի։ Տեղեկությունը հայտնում է Հիդրոօդերևութաբանության և մոնիտորինգի կենտրոնը։

Հուլիսի 15-ին կեսօրից հետո, 16-ին գիշերը և կեսօրից հետո, 17-18-ին կեսօրից հետո առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Ամպրոպի ժամանակ սպասվում է քամու ուժգնացում՝ 18-20 մ/վ արագությամբ։

Հուլիսի 14-15-ին երեկոյան ժամերին Արմավիրում, Կոտայքի և Արագածոտնի նախալեռներում սպասվում է քամու ուժգնացում՝ 15-18 մ/վ արագությամբ։

Օդի ջերմաստիճանը հուլիսի 15-16-ին աստիճանաբար կնվազի 3-4 աստիճանով։

Այսօր Երևանում ցերեկային ժամերին օդի ջերմաստիճանը կտատանվի +36-38, իսկ գիշերը` +21-23 աստիճանի սահմաններում։