Եվրամիությունը վճռականորեն աջակցում է Հայաստանին․ ԵԽ նախագահ

Եվրամիությունը վճռականորեն աջակցում է Հայաստանի բարեփոխումների հավակնոտ օրակարգին։ Այս մասին X-ի  իր էջում գրել է Եվրոպական խորհրդի նախագահ Անտոնիու Կոշտան:

«Մենք բարձր ենք գնահատում Հարավային Կովկասում կայունություն ապահովելու ուղղությամբ Հայաստանի ջանքերը, մասնավորապես՝ Ադրբեջանի հետ խաղաղության բանակցություններում շարունակական ներգրավվածությունը և Թուրքիայի հետ հարաբերությունների կարգավորմանն ուղղված քայլերը։ Եվրամիության և Հայաստանի միջև վերջերս համաձայնեցված գործընկերության ծրագիրը նոր էջ է բացում մեր հարաբերություններում՝ նպաստելով տարածաշրջանային և տնտեսական ավելի սերտ կապերին: Մենք անհամբեր սպասում ենք, թե երբ Հայաստանը կհյուրընկալի եվրոպական քաղաքական համայնքի 2026 թվականի գագաթնաժողովը»,- գրել է Եվրոպական խորհրդի նախագահը։

«Գլոբալ դարպաս» ռազմավարության շրջանակներում, ԵՄ ներդրումները Հայաստանում այժմ կանխատեսվում է հասցնել 2.5 միլիարդ եվրոյի՝ խթանելով ներառական աճը և կապակցվածությունը: 

Հավելենք՝ Հայաստանի տեղեկատվական էկոհամակարգին աջակցելու համար ԵՄ-ն հայտարարել է անկախ լրատվամիջոցները հզորացնելու համար 1.5 միլիոն եվրոյի նոր փաթեթի մասին: