Ուշադիր հետևում եմ հայ-ադրբեջանական բանակցություններին․ Էրդողան
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Արաբական Միացյալ Էմիրությունների նախագահ Մոհամմեդ բին Զայեդ Ալ Նահյանի հետ։ Այս մասին տեղեկատվությունը տարածել է Թուրքիայի Հանրապետության նախագահի աշխատակազմի հասարակայնության հետ կապերի բաժինը։
Հեռախոսազրույցի ընթացքում Էրդողանը նշել է, որ Թուրքիան ուշադիր հետևում է Աբու Դաբիում (ԱՄԷ) տեղի ունեցող ադրբեջանա-հայաստանյան խաղաղության բանակցություններին և շարունակելու է աջակցել Հարավային Կովկասում կայունության ապահովմանն ուղղված ջանքերին։
Հավելենք՝ Աբու Դաբիում Ադրբեջանի նախագահ Իլհամ Ալիևի և վարչապետ Նիկոլ Փաշինյանի միջև բանակցություններ է տեղի ունեցել, լրատվամիջոցների փոխանցմամբ դրանք տևել են մոտ հինգ ժամ, ընդհատվել մեկ անգամ։
